Jehofa o go bona o le yo bohlokwa. (Jes 43:4) O go gogetše go yena a ba a go gogela le ka mokgatlong wa gagwe. Ka ge o ineetše wa ba wa kolobetšwa, o wa Jehofa. O tla go hlokomela ka ge o le bohlokwa go yena, le ge bophelo bo ka ba thata. O tla go bontšha lerato a diriša mokgatlo wa gagwe. —Ps 25:10.

Re ka bontšha gore re leboga lerato leo Jehofa a re bontšhago lona ka go hlahloba dilo tšeo mokgatlo wa gagwe o di dirilego moragobjale ge go be go na le dikotsi tša tlhago.

BOGELANG BIDIO YA PEGO YA 2019 YA KOMITI YA BALOMAGANYI, KE MOKA LE ARABENG DIPOTŠIŠO TŠE:

• Komiti ya Balomaganyi e ile ya lokišetša bjang diofisi tša makala go tseba seo di ka se dirago ge go eba le kotsi ya tlhago?

• Mokgatlo wa Jehofa o ile wa nea tlhahlo le thušo bjang ge go be go eba le dikotsi tša tlhago Indonesia le Nigeria?

• Ke’ng seo se go kgahlilego ka tsela yeo mokgatlo o ilego wa dira dilo ka yona ge go be go tšwelela leuba la COVID-19?