Re nyaka go thabiša Jehofa ka dilo ka moka tšeo re di dirago. (Die 27:11) E le gore re kgone go dira seo, re swanetše go dira diphetho tšeo di bontšhago gore re nagana go swana le Jehofa le ge go se na molao woo o re botšago gore re dire eng goba go bolela se itšego ka taba yeo. Re ka thušwa ke’ng gore re kgone go dira seo?

Dula o ithuta Beibele ka mehla. Nako e nngwe le e nngwe ge re bala Beibele, go bjalo ka ge eka re fetša nako re na le Jehofa. Re ka ithuta tsela ya Jehofa ya go nagana ka go bona kamoo a bego a swara batho ba gagwe ka gona, le ka go ithuta mehlaleng ya bao ba dirilego dilo tšeo di mo kgahlago goba tšeo di sa mo kgahlego. Moya o mokgethwa o ka kgona go re gopotša dilo tše bohlokwa tšeo re ithutilego tšona le melao ya motheo ya ka Lentšung la Modimo ge re swanetše go dira phetho.—Joh 14:26.

Dira nyakišišo. Pele o dira phetho, ipotšiše gore: ‘Ke ditemana dife goba dipego dife tša ka Beibeleng tšeo di ka nthušago go kwešiša gore Jehofa o ikwa bjang ka taba ye?’ Kgopela Jehofa ka thapelo gore a go thuše, ke moka o diriše dilo tša go dira nyakišišo tšeo mokgatlo o re filego tšona ka leleme la geno. Seo se tla go thuša go hwetša melao ya motheo ya Beibele, le go go thuša go e diriša.—Ps 25:4.

BOGELANG BIDIO YA RE SWANETŠE GO ‘KITIMA KA KGOTLELELO’—EJA DIJO TŠA PHEPO, KE MOKA LE ARABENG DIPOTŠIŠO TŠE:

• Kgaetšedi wa mo bidiong o kopane le ditlhohlo dife?

  textarea-1

• O ka diriša bjang dilo tša go dira nyakišišo ge o kopana le ditlhohlo tša go swana le tša kgaetšedi yo?

  textarea-2

• Re holega bjang ge re ipha nako ya go dira nyakišišo le ya go ba le thuto ya motho ka noši gore re tle re kgone go dira diphetho tše dibotse?—Heb 5:13, 14

  textarea-3