Mehleng ye ya bofelo, mathata ao a re welago ke a mantši. Ka dinako tše dingwe, re ka ikwa re palelwa ke go kgotlelela mathata ao. Lega go le bjalo, ge e ba re ka tšwela pele re batamela kgauswi le Jehofa, o tla re thuša go kgotlela mathata a rena. (Jes 43:2, 4) Re ka batamela bjang kgauswi le Jehofa ge re le ka gare ga mathata?

Thapelo. Ge re tšhollela Jehofa sa mafahleng ka thapelo, o re fa khutšo ya monagano le matla a go kgotlelela.—Fil 4:6, 7; 1Th 5:17.

Diboka. Re phela mehleng yeo re hlokago go ithuta Lentšu la Modimo le go feta, le go thabela bogwera bjoo re bo hwetšago dibokeng tša Bokriste. (Heb 10:24, 25) Ge re lokišetša diboka, re eba go tšona e bile re tšea karolo, re tlo holwa ke thušo yeo Jehofa a re fago yona ka moya wa gagwe.—Kut 2:29.

Tšhemo. Ge re dula re eya tšhemong, seo se tlo re thuša gore re se tshwenyege kudu ka mathata a rena. E bile re tlo tiiša segwera sa rena le Jehofa gotee le sa bao re šomago le bona.—1Ko 3:5-10.

BOGELANG BIDIO YA JEHOFA O TLA GO THEKGA, KE MOKA LE ARABENG DIPOTŠIŠO TŠE:

• Ke’ng seo se thušitšego Malu gore a dule a le kgauswi le Jehofa le ge a be a na le mathata?

  textarea-1

• Mantšu a Psalme 34:18 a ka re kgothatša bjang ge re le ka gare ga mathata go swana le ge a ile a kgothatša Malu?

  textarea-2

• Phihlelo ya Malu e re bontšha bjang gore Jehofa o re nea “matla a fetago a tlwaelegilego” ge re na le mathata?—2Ko 4:7

  textarea-3