January 15-21
JOBO 36-37
Kopelo 147 le Thapelo | Mantšu a go Bula (1 mots.)
1. Mabaka ao a Dirago Gore re Tshepe Gore Modimo o tlo re Nea Bophelo bjo bo sa Felego
(10 mets.)
Jehofa ga a hwe (Job 36:26; w15 10/1 13 ¶1-2)
Jehofa o na le bohlale le matla a go dira gore go dule go na le bophelo (Job 36:27, 28; w20.05 22 ¶6)
Jehofa o re ruta kamoo re ka hwetšago bophelo bjo bo sa felego ka gona (Job 36:4, 22; Joh 17:3)
Ge re dumela dilo tšeo Modimo a re tshepišitšego tšona, re tlo kgona go lebeletšana le mathata ao a re welago.—Heb 6:19; w22.10 28 ¶16.
2. Matlotlo a ka Beibeleng
(10 mets.)
-
Job 37:20—Dinageng tšeo go bolelwago ka tšona ka Beibeleng, ditaba di be di fetišwa bjang? (it-1-E 492)
-
Ke dintlha dife tšeo o ka re anegelago tšona tšeo o di hweditšego mmalong wa Beibele wa beke ye?
3. Mmalo wa Beibele
(4 mets.) Job 36:1-21 (th thuto 2)
4. Go Thoma Poledišano
(3 mets.) GO NEA BOHLATSE MAFELONG A BATHO BOHLE. (lmd thuto 3 ntlha 3)
5. Go Dira Maeto a go Boela
(4 mets.) KA NTLO LE NTLO. (lmd thuto 2 ntlha 5)
6. Go Hlalosa Ditumelo tša Gago
(5 mets.) Polelo. ijwfq 57 ¶5-15—Sehlogo: Ke ka Baka la eng Dihlatse tša Jehofa di Ile tša Tlaišwa Nakong ya ge Batho ba be ba Bolawa ka Bontšhi? (th thuto 18)
Kopelo 49
7. Itokišetše Maemo ao a ka Nyakago Gore o ye Sepetlele Goba o Dirwe Ophareišene
(15 mets.) Poledišano. E tla newa ke mogolo.
Mokgatlo wa Jehofa o re file didirišwa tše dintšhi tšeo di re thušago go kwa molao wa Modimo wa mabapi le madi. (Dit 15:28, 29) Na o di diriša gabotse?
Karata ya Durable Power of Attorney (DPA) le Identity Card (ic): Dikarata tše di hlalosa gore molwetši o nyaka go alafiwa bjang ge e ba go swanetše go dirišwa madi. Bagoeledi bao ba kolobeditšwego ba ka kgopela mohlanka wa dipuku karata ya DPA, ba kgopelela bana ba bona ba banyenyane Identity Card (ic.) Re swanetše go dula re swere dikarata tše. Ge e ba o nyaka go tlatša karata ye goba go kaonefatša yeo o šetšego o e tladitše, o se ke wa dikadika go dira bjalo.
Fomo ya Boitsebišo Bakeng sa Baimana (S-401) le ya Boitsebišo Bakeng sa Balwetši Bao ba Hlokago go Dirwa Ophareišene Goba Chemotherapy (S-407): Difomo tše di diretšwe go re thuša go phema dikalafo tšeo di akaretšago madi. Ge e ba o le moimana goba o hloka go dirwa ophareišene goba o hloka kalafo ya kankere, kgopela bagolo ba phuthego ya geno gore ba go fe fomo ya maleba.
Komiti ya go Hloma Kwano le Sepetlele (HLC): Bana babo rena ba HLC ke bagolo bao ba tlwaeditšwego gabotse gore ba kgone go hlalosetša dingaka le bagoeledi ka ditaba tšeo di akaretšago madi. Ba ka boledišana le ngaka ya gago ka ditsela tše dingwe tša go go alafa ntle le go go tšhela madi. Ge e ba go hlokega, ba ka go thuša go hwetša ngaka yeo e ka go alafago ntle le go go tšhela madi. Ba dula ba hwetšagala gore ba go thuše. Bolela le ba HLC ka pela kamoo go ka kgonegago ge e ba go ka nyakega gore o robale sepetlele, o dirwe ophareišene goba o hwetše mohuta o itšego wa kalafo go swana le kalafo ya kankere. Dira bjalo le ge o bona eka go ka se nyakege gore o tšhele madi. Se se bjalo le go basadi bao ba imilego. Ge e ba o hloka thušo, kgopela mogolo gore a go bontšhe gore o ka boledišana bjang le ba HLC.
Bapala BIDIO ya Dikomiti tša go Hloma Kwano le Sepetlele di Thuša Bjang? Ke moka o botšiše batheetši gore:
Bana babo rena ba HLC ba ka go thuša bjang ge e ba o babja goba o swanetše go dira ophareišene?
8. Thuto ya Beibele ya Phuthego
(30 mets.) bt kgao. 4 ¶9-12, le lepokisi go letl. 34
