BOPHELO BJA BOKRISTE
Na o ka bo Leka ka Ngwaga o Tee Feela?
O ka leka eng? Bobulamadibogo bja ka mehla! Ge o ka bo tšea, o tla thabela ditšhegofatšo tše dintši!
GE O KA TŠEA BOBULAMADIBOGO . . .
-
o ka ba le bokgoni bja go bolela ditaba tše dibotse gomme wa thabela tšhemo le go feta
-
o ka matlafatša tswalano ya gago le Jehofa. Ge o dutše o botša ba bangwe gantši ka yena, o tla dula o gopola dika tša gagwe tše di kgahlišago kudu
-
o ka hwetša kgotsofalo yeo e tlišwago ke go etiša pele dikgahlego tša Mmušo e sego tša gago gomme wa hwetša lethabo leo le tlišwago ke go direla ba bangwe.
—Mat 6:33; Dit 20:35 -
o ka ya sebokeng sa babulamadibogo seo se swarwago nakong ya ketelo ya molebeledi wa tikologo, wa ya sebokeng seo se swarwago ge go tlo ba le kopano ya tikologo e bile wa ya le Sekolong sa Tirelo ya Bobulamadibogo
-
o ka kgona go hwetša dithuto tše dintši tša Beibele le go di swara
-
o ka fetša nako e ntši o na le ba bangwe bao le bona ba bolelago ditaba tše dibotse, gomme la kgothatšana.
—Rom 1:11, 12
