MAHUMO AO A LEGO KA LENTŠUNG LA MODIMO | LUKA 12-13
“Le ba Bohlokwa go Feta Dithaga tše Dintši”
Ditemana tše dingwe tšeo di lego kgauswi le Luka 12:6, 7 di bolela ka’ng? Go temana 4, re kwa gore Jesu o ile a botša balatedi ba gagwe gore ba se boife batho bao ba ba ganetšago goba bao ba nyakago go ba bolaya. Jesu o be a lemoša barutiwa ba gagwe gore nakong e tlago ba be ba tla ganetšwa. O ile a ba kgonthišetša gore Jehofa o lebelela mohlanka yo mongwe le yo mongwe wa Gagwe a le bohlokwa, le gore A ka se dumelele bahlanka ba gagwe ba tlaišetšwa sa ruri.
Go swana le Jehofa, re ka bontšha bjang gore re na le taba le bana babo rena le dikgaetšedi bao ba tlaišwago?
Re ka hwetša kae ditaba tše mpsha tša mabapi le Dihlatse tša Jehofa tšeo di golegilwego ka baka la tumelo ya tšona?
Ke bana babo rena le dikgaetšedi tše kae bao ba golegilwego?
