DIRA SOHLE BODIREDING | OKETŠA LETHABO LA GAGO TŠHEMONG
Fihlelela Pelo
Re swanetše go kwa Jehofa go tšwa pelong. (Die 3:1) Ka baka leo, ge re ruta batho Beibele re swanetše go leka go fihlelela dipelo tša bona. Re ka dira seo bjang?
Ge o ruta motho Beibele, o se ke wa no mo ruta feela seo se lego ka Beibeleng eupša mo thuše go bona gore seo a ithutago sona se ama bjang bophelo bja gagwe le segwera sa gagwe le Jehofa. Mo thuše go kwešiša gore melao ya Beibele e bontšha gore Modimo o a re rata, o lokile e bile o na le toka. Diriša bohlale go mmotšiša dipotšišo tšeo di tlago go go thuša go bona gore o ikwa bjang ka seo a ithutago sona. Mo thuše go nagana kamoo bophelo bja gagwe bo tlago go ba kaone ge a ka fetoša kgopolo e fošagetšego goba mekgwa e mebe. O tlo thaba kudu ge o bona motho yoo o ithutago Beibele le yena a rata Jehofa go tšwa pelong.
BOGELANG BIDIO YA HWETŠA LETHABO MODIRONG WA GO DIRA BATHO BARUTIWA—KAONEFATŠA BOKGONI BJA GAGO BJA GO RUTA—FIHLELELA PELO, KE MOKA LE ARABENG DIPOTŠIŠO TŠE:
-
Ke ka baka la’ng Maki a ile a botšiša Jane gore: “O ile wa nagana ka seo re boletšego ka sona Mantaga?”
-
Maki o ile a thuša Jane bjang go bona gore melao ya Beibele e bontšha gore Jehofa o a mo rata?
-
Ge re ka fihlelela pelo ya motho yoo re ithutago le yena, o tla kgona go dira tšwelopelo
Maki o ile a thuša Jane bjang go bona kamoo a ka bontšhago gore o rata Modimo?
