Beibele e ruta gore Mokriste o swanetše go swara Bakriste bao ba godilego bjalo ka batswadi ba gagwe gomme ba bafsa a ba sware bjalo ka bana babo. (Bala 1 Timotheo 5:1, 2.) Bana babo rena ba swanetše go swara dikgaetšedi ka phuthegong ka seriti le ka tlhompho.

Ngwanabo rena ga se a swanela go bapala ka lerato goba go dira selo se sengwe seo se tlago go dira gore kgaetšedi a ikwe a se a lokologa ge a na le yena. (Job 31:1) Ngwanabo rena yo a sego a nyala ga se a swanela go bapala ka maikwelo a kgaetšedi ka go mo dira gore a nagane gore o nyaka go ratana le yena mola go se bjalo.

Bagolo ba swanetše go theetša ka kelohloko ge kgaetšedi a nyaka go botšiša goba go ba botša se sengwe. Bagolo ba swanetše go naganela kudu dikgaetšedi tšeo di se nago banna bao ba ka di šireletšago.—Ru 2:8, 9.

BOGELANG BIDIO YEO E REGO DULA O BONTŠHA LERATO KA PHUTHEGONG YA BOKRISTE —RATA BAHLOLOGADI LE DITŠHIWANA, KE MOKA LE ARABENG DIPOTŠIŠO TŠE:

• Phuthego e bontšhitše bjang gore e rata Kgaetšedi Myint?

• Lerato leo phuthego e le bontšhitšego le neile bjang bohlatse mo motseng?

• Lerato leo phuthego e le bontšhitšego le kgomile bjang barwedi ba Kgaetšedi Myint?

O ka bontšha bjang gore o tshwenyegile ka dikgaetšedi ka phuthegong?