Kgweding ya September re tlo šoma ka thata go thoma dithuto tša Beibele le motho yo mongwe le yo mongwe re diriša poroutšha ya O ka Thabela Bophelo go ya go Ile! Bagoeledi ba ka kgetha go tšea bobulamadibogo bja go thuša bja diiri tše 30. Re tlo šoma bjang lesolong le?

• Leetong la Pele: Diriša letlakala la mafelelo la poroutšha ye go tsoša kgahlego ke moka o leke go bontšha gore thuto e swarwa bjang. Gopola bao ba ilego ba bontšha kgahlego go akaretša le bao o ilego wa boela go bona. Le ge ba ile ba gana go ithuta Beibele nako e fetilego, ba ka kgahlwa ke tsela e mpsha ya go ithuta le poroutšha ya rena. Diporoutšha di se ke tša tlogelwa dintlong tšeo go se nago batho goba tša romelwa ka mangwalo go bao ba sego ba bontšha kgahlego. Komiti ya tirelo ya phuthego e ka rulaganya diboka tše di oketšegilego tša tšhemo kgweding yeo.

• Dibaka tše Dingwe: Ge e ba phuthego ya geno e diriša diteroli, tsenyang le poroutšha ya O ka Thabela Bophelo go ya go Ile! Botša bao ba kgahlwago ke poroutšha ye gore ba ka hwetša le thuto ya mahala ya Beibele. O ka bontšha motho yoo gore thuto e swarwa bjang goba wa mmontšha nakong e tlago. Molebeledi wa tirelo a ka rulaganya gore bagoeledi bao ba swanelegago ba ye mafelong a kgwebo gore ba thome dithuto tša Beibele. O ka kgopela bao o šomago le bona goba batho bao o ba neago boboledi bjo bo sa rulaganyetšwago gore o nyaka go ithuta le bona Beibele.

Jesu o re laetše gore ‘re dire batho barutiwa, re ba rute.’ (Mat 28:19, 20) Eka lesolo le le kgethegilego le ka re thuša go dira seo re diriša poroutšha ya O ka Thabela Bophelo go ya go Ile!