Beibele e na le mehlala ya dithapelo tšeo Jehofa o ilego a di araba. Ge bahlanka ba Jehofa ba be ba bona a ba araba e bile a ba thuša, tumelo ya bona e ile ya tia. Eupša go bohlokwa go botša Jehofa dikgopelo tša rena ka go lebanya, ke moka re leke go bona kamoo a re arabago ka gona. Dula o gopola gore a ka re araba ka tsela yeo re sa e letelago. (2Ko 12:7-9; Ef 3:20) A ka dira seo bjang?

• Ka go re matlafatša mmeleng, maikwelong le go tiiša tumelo ya rena gore re kgone go lebeletšana le mathata.—Fil 4:13

• Ka go re nea bohlale bja go dira diphetho tše dibotse.—Jak 1:5

• Ka go re nea kganyogo le matla a gore re mo kgahliše.—Fil 2:13

• Ka go re nea khutšo ya monagano ge re na le dipelaelo.—Fil 4:6, 7

• Ka go diriša ba bangwe gore ba re thuše le go re homotša.—1Jo 3:17, 18

• A ka thuša bao re ba rapelelago.—Dit 12:5, 11

BOGELANG BIDIO YA JEHOFA KE ‘MOKWI WA DITHAPELO’, KE MOKA LE ARABENG DIPOTŠIŠO TŠE:

• Phihlelo ya ngwanabo rena Shimizu e ka re kgothatša bjang ge e ba re se sa kgona go itirela dilo ka baka la bolwetši?

• Re ka ekiša mohlala wa ngwanabo rena Shimizu bjang?