Jehofa o nyaka gore malapa a thabe. (Ps 127:3-5; Mmo 9:9; 11:9) Eupša lethabo la rena le ka fela ka baka la mathata ao a tlišwago ke dilo tše di diregago mo lefaseng le, le ka baka la diphošo tšeo di dirwago ke ba ka lapeng. Yo mongwe le yo mongwe a ka dira’ng gore ka lapeng go be le lethabo?

Monna o hlompha mosadi wa gagwe. (1Pe 3:7) O fetša nako le yena. Ga se a letela gore mosadi wa gagwe a dire dilo tšeo a ka se di kgonego e bile o bontšha gore o leboga dilo tšeo mosadi wa gagwe a mo direlago tšona le go di direla lapa la bona. (Kol 3:15) O mmontšha gore o a mo rata e bile o a mo reta.—Die 31:28, 31.

Mosadi o lebelela gore a ka thuša monna wa gagwe bjang. (Die 31:12) O ikokobeletša yena e bile o dirišana le yena gabotse. (Kol 3:18) O bolela gabotse le yena e bile o bolela gabotse ka yena.—Die 31:26.

Batswadi ba fetša nako le bana ba bona. (Doi 6:6, 7) Ba botša bana ba bona gore ba a ba rata. (Mat 3:17) Ba ba šedi ge ba kgala bana ba bona e bile ba dira seo ka lerato.—Ef 6:4.

Bana ba kwa batswadi ba bona e bile ba a ba hlompha. (Die 23:22) Ba botša batswadi ba bona dilo tšeo ba di naganago le kamoo ba ikwago ka gona. Ba a theetša ge batswadi ba bona ba ba kgala e bile ba bontšha gore ba a ba hlompha.—Die 19:20.

BOGELANG BIDIO YA DIRA GORE KA LAPENG GO THABIŠE, KE MOKA LE ARABENG POTŠIŠO YE:

Yo mongwe le yo mongwe o ile a dira’ng gore ka lapeng go thabiše?