Dipakane tša moya di akaretša dilo tšeo re nyakago go di fihlelela e le gore re kgone go hlankela Jehofa ka mo go feletšego le go mo thabiša. Di re thuša go ba Bakriste bao ba tiilego moyeng. E bile ge re fetša nako ya rena le matla a rena re di phegelela re ka se itshole. (1Ti 4:15) Ke ka baka la’ng re swanetše go dula re hlahloba dipakane tša rena? Ka gobane maemo a a fetoga. Mohlomongwe pakane yeo o bego o ipeetše yona ga go sa kgonega gore o e fihlelele goba o ka ba o e fihleletše gomme o swanetše go ipeela e nngwe.

Nako e botse ya go hlahloba dipakane tša rena, ke pele ngwaga o moswa o ka thoma. Nakong ya borapedi bja lapa boledišanang ka taba ye gomme yo mongwe le yo mongwe a ipeele pakane yeo a ka e kgonago, le be le ipeele tšeo le ka di kgonago le le lapa.

Ke dipakane dife tšeo o ipeetšego tšona dilong tše di latelago, gona o ikemišeditše go dira’ng gore o di fihlelele?