Ka September, re tlo leka go dira sohle seo re ka se kgonago go botša batho gore Mmušo wa Modimo ke wona feela o ka re rarollelago mathata. (Mat 24:14) O ka dira’ng gore o tšee karolo? Kgweding ye, leka go balela batho ba bantši lengwalo leo le bolelago ka Mmušo wa Modimo. Ge e ba motho a ka thabela seo o mmotšago sona, mo nee Morokami wa No. 2 2020. Ke moka o boele go motho yoo kapejana kamoo o ka kgonago ka gona gomme o leke go thoma thuto ya Beibele o diriša poroutšha ya O ka Thabela Bophelo go ya go Ile! Bao ba tlago go tšea bobulamadibogo bja go thuša kgweding ya September ba ka kgetha go šoma diiri tše 15 go ya go tše 30 goba go feta moo.

E se kgale Mmušo wa Modimo o fediša mebušo ka moka yeo e ganetšanago le wona. (Dan 2:44; 1Ko 15:24, 25) Eka re ka dira sohle seo re ka se kgonago go diriša sebaka se go bontšha gore re thekga Jehofa le Mmušo wa gagwe!