Bao ba kganyogago go ba baagi ba Mmušong wa Modimo ba swanetše go ithuta dilo ka moka ka Mmušo woo le seo o šetšego o se fihleletše. Ka baka la’ng? Ka gobane se se tla matlafatša tumelo ya bona ya gore Mmušo wa Modimo o a buša e bile sa ba tutueletša go botša ba bangwe ditaba tše dibotse tša Mmušo wa Modimo. (Ps 45:1; 49:3) Ge o dutše o bogetše bidio ya Mmušo—Nywaga e 100 le go ya Pele, nyaka dikarabo tša dipotšišo tše di latelago:

1. Ke ka baka la’ng filimi ya “Photo-Drama of Creation” e be e le tšhegofatšo go bao ba e bonego?

2. Radio e ile ya dirišwa bjang go fihlelela batho ka ditaba tše dibotse?

3. Ke mekgwa efe e mengwe yeo e ilego ya dirišwa go bolela ditaba tše dibotse, gona e bile le mafelelo afe?

4. Go tlwaeletšwa modiro wa boboledi go ile gwa kaonefala bjang ge nywaga e dutše e eya?

5. Ke tlwaetšo efe ya maleba yeo e ilego ya newa barutwana ba Sekolo sa Gilead?

6. Dikopano tša selete di kgathile tema efe go ruteng batho ba Jehofa?

7. Ke’ng seo se go kgodišago gore Mmušo wa Modimo o a buša?

8. Re bontšha bjang gore re thekga Mmušo wa Modimo?