MAHUMO AO A LEGO KA LENTŠUNG LA MODIMO | DIPSALME 34-37
Bota Jehofa Gomme o Dire tše Dibotse
“O se ke wa hufegela bao ba dirago tša go se loke”
-
O se ke wa dumelela go atlega ga nakwana ga batho bao ba dirago dilo tša go se loke go go šitiša go hlankela Jehofa. Dula o nagana ka ditšhegofatšo le dipakane tša moya
“Bota Jehofa, o dire tše dibotse”
-
Kgodišega gore Jehofa o tla go thekga le ge e le neng ge o belaela goba o tshwenyegile. O tla go thuša gore o dule o botega
-
Dula o swaregile ka modiro wa go bolela ditaba tše dibotse tša Mmušo wa Modimo
“Thabela Jehofa kudu”
-
Ipeele nako ya go bala Lentšu la Modimo le go naganišiša ka lona e le gore o tle o tsebe Jehofa gakaone
“Lahlela tsela ya gago go Jehofa”
-
Bota Jehofa ka mo go feletšego gore o tla go thuša go lebeletšana le bothata le ge e le bofe
-
Dula o itshwere gabotse ge o ganetšwa, o tlaišwa goba o bolelwa gampe
“Ikhomolele pele ga Jehofa gomme o mo letele ka tlhologelo”
-
Phema go dira dilo ka lebelo ka ge seo se ka go amoga lethabo le tšhireletšego ya moya
“Ba boleta bona e tla ba beng ba lefase”
-
Tsoma boleta gomme ka boikokobetšo o letele Jehofa gore a fediše go hloka toka ka moka
-
Thekga badumedigotee le wena gomme o homotše bao ba gateletšegilego ka go ba botša gore Modimo o re holofeditše lefase le lefsa leo le lego kgauswi kudu
Mmušo wa Mesia o tlo re tlišetša ditšhegofatšo tše dintši
