KE KA BAKA LA’NG GO LE BOHLOKWA? Go no swana le dilo tše dingwe, mekero ya poledišano Inthaneteng (social network) e ka go thuša goba ya go gobatša. Bakriste ba bangwe ba ikgethetše go se diriše mekero ya poledišano Inthaneteng mola ba bangwe ba diriša mekero ye go boledišana le ba malapa a gabo bona le bagwera. Lega go le bjalo, Diabolo o nyaka gore re diriše mekero ye gampe, e lego selo seo se ka re senyago leina gotee le go senya tswalano ya rena le Jehofa. Re ka ekiša Jesu ka go diriša melao ya motheo yeo e lego ka Lentšung la Modimo go bona dikotsi tša go diriša mekero yeo ke moka ra di phema.—Lu 4:4, 8, 12.

DIKOTSI TŠEO RE SWANETŠEGO GO DI PHEMA:

• Go fetša nako e ntši re le mekerong ya poledišano ya Inthaneteng. Go fetša nako e ntši re bea dinepe, re di bogela le go ngwala melaetša Inthaneteng go ka re jela nako ya go dira mediro ya bohlokwa ya moya

  Melao ya motheo ya Beibele: Ef 5:15, 16; Fil 1:10

• Go bogela dilo tšeo di sa swanelego Bakriste. Ge motho a bogela diswantšho tšeo di ka dirago gore a be le kganyogo ya thobalano, a ka feleletša a lemaletše go bogela diswantšho tša batho ba sa aparago goba a itshwere ka tsela e gobogilego. Go bala dilo tšeo di pharilwego ke bahlanogi Inthaneteng go ka dira gore tumelo ya motho e fokole

  Melao ya motheo ya Beibele: Mat 5:28; Fil 4:8

• Go ngwala melaetša e tšwilego tseleng goba go bea dinepe. Ka ge pelo e le boradia, motho a ka ngwala melaetša e tšwilego tseleng goba a bea dinepe tše di sa kgahlišego Inthaneteng. Se se ka senya motho leina goba sa dira gore a we moyeng

  Melao ya motheo ya Beibele: Rom 14:13; Ef 4:29

BOGELANG BIDIO YEO E REGO, DIRIŠA SOCIAL NETWORK GABOTSE, KE MOKA LE BOLEDIŠANENG KAMOO MOTHO A KA PHEMAGO MAEMO A LATELAGO: