Jesu o re beetše mohlala wo re swanetšego go o latela, kudukudu ge re lebane le diteko goba re tlaišwa. (1Pe 2:21-23) Le nakong ya ge Jesu a be a tlaišwa, ga se a ka a itefeletša ge a be a rogakwa. (Mar 15:29-32) Ke’ng seo se ilego sa mo thuša gore a kgotlelele? O be a ikemišeditše go dira thato ya Jehofa. (Joh 6:38) Le gona o be a beile monagano wa gagwe “[lethabong] leo le bego le beilwe pele ga gagwe.”—Heb 12:2.

Re arabela bjang ge re swarwa gampe ka baka la tumelo ya rena? Bakriste ba therešo ga ba ‘bušetše bobe ka bobe.’ (Rom 12:14, 17) Ge re ekiša tsela yeo Kriste a ilego a kgotlelela ge a be a tlaišwa, re tla thaba ka gobane Modimo o tla re amogela.—Mat 5:10-12; 1Pe 4:12-14.

BOGELANG BIDIO YEO E REGO, LEINA LA JEHOFA LE BOHLOKWA GO FETA DILO KA MOKA, KE MOKA LE ARABENG DIPOTŠIŠO TŠE DI LATELAGO:

• Kgaetšedi Pötzinger * o ile a diriša bjang nako ya gagwe gabotse ge a be a le kgolegong?

• Ngwanabo rena Pötzinger le mosadi wa gagwe ba ile ba kgotlelela ditlaišo dife ge ba be ba le dikampeng tšeo bana babo rena ba bego ba tlaišwa?

• Ke eng seo se ba thušitšego go kgotlelela?