Pele re dira phetho le ge e le efe, na re ipotšiša gore, ‘Jehofa o tla ikwa bjang ka yona?’ Le ge re ka se tsebe dilo ka moka tšeo Jehofa a di naganago, eupša o re utolletše dilo ka moka tšeo re di hlokago ka Lentšung la gagwe gore re hlangwe bakeng sa “modiro o mongwe le o mongwe o mobotse.” (2Ti 3:16, 17; Rom 11:33, 34) Jesu o ile a hlatha seo thato ya Jehofa e lego sona gomme a dira gore seo se tle pele bophelong bja gagwe. (Joh 4:34) Re ka ekiša Jesu ka go dira sohle seo re ka se kgonago gore re dire diphetho tšeo di tlago go thabiša Jehofa.—Joh 8:28, 29; Ef 5:15-17.

BOGELANG BIDIO YEO E REGO, TŠWELANG PELE LE HLATHA SEO THATO YA JEHOFA E LEGO SONA (LE 19:18), KE MOKA LE ARABENG DIPOTŠIŠO TŠE DI LATELAGO:

• Ke ka baka la’ng re swanetše go phela ka melao ya motheo ya Beibele?

• Ke melao efe ya motheo yeo e ka re thušago go kgetha mmino woo re ka o theetšago?

• Ke melao efe ya motheo yeo e ka re thušago go kgetha moaparo le go itokiša?

• Ke maemong afe moo go ka nyakegago gore re diriše melao ya motheo ya Beibele?

• Re ka dira’ng gore re kgone go tseba seo Jehofa a nyakago re se dira maemong a itšego?