Ke ka baka la’ng re swanetše go kgetha boithabišo bja rena ka bohlale? Ka gobane ge re kgetha go lebelela mmubi, go theetša koša, go tsena wepesaeteng, go bala puku, goba go bapala video game e itšego, seo se ra gore re kgetha selo seo re tlago go se tsenya ka dikgopolong tša rena. Dilo tšeo re di kgethago di tutuetša tsela ya rena ya go nagana. Ka manyami, boithabišo bjo bontši bo na le dilo tšeo Modi mo a di hloilego. (Ps 11:5; Gal 5:19-21) Ke ka baka leo Beibele e re kgothaletšago gore re naganišiše ka dilo tšeo di kgahlago Jehofa.—Fil 4:8.

BOGELANG BIDIO YEO E REGO, KE SWANETŠE GO KGETHA BOITHABIŠO BJA MOHUTA MANG? KE MOKA LE ARABENG DIPOTŠIŠO TŠE DI LATELAGO:

• Dipapadi tša Baroma tša bogologolo tša batho ba go bolayana di swana bjang le boithabišo bja mehleng yeno?

• Ditho tša phuthego di ka thuša bafsa bjang gore ba kgethe boithabišo ka bohlale?

• Baroma 12:9 e ka re thuša bjang go kgetha boithabišo?

• Ke boithabišo bofe bjo bobotse bjo le ka ithabišago ka bjona lefelong la geno?