Poroutšha ya Theetša Modimo Gomme o Phele ka mo go sa Felego e diretšwe go ruta batho bao ba sa kgonego go bala gabotse ditherešo tša motheo tša Beibele. Matlakala a mantši ka poroutšheng ye a na le lepokisi leo le nago le ditaba tše di oketšegilego tšeo le ka boledišanago ka tšona, go ithekgile ka kwešišo ya morutwana.

O ka nea motho poroutšha ye le ge e se kgatišo e sepedišwago kgweding yeo. Ge o swere thuto ya Beibele, diriša diswantšho go hlalosa ditemana tša Beibele. Botšiša morutwana dipotšišo gore o kgonthišetše gore o a kwešiša. Balang le go ahlaahla mangwalo ao a lego kua tlase ga letlakala le lengwe le le lengwe. Ge le feditše go ithuta poroutšha yeo, le ka ithuta puku ya Ke Eng Seo ge e le Gabotse Beibele e se Rutago? goba ya Beibele e re Ruta Eng? Seo se tla thuša morutwana wa gago go dira tšwelopele go fihlela a kolobetšwa.