LEBAKA LEO GO LEGO BOHLOKWA: Ge batho bao re ithutago Beibele le bona ba lokišeleditše, ba kgona go kwešiša gabonolo le go gopola seo re ba rutago sona. Ge ba kgona go kwešiša le go gopola seo ba ithutago sona, ba dira tšwelopele kapejana. Le ka morago ga ge ba kolobeditšwe ba tlo swanelwa ke go lokišeletša diboka le tšhemo e le gore ba ‘dule ba phakgame.’ (Mat 25:13) Ka baka leo, ge barutwana ba tseba gore ba ithute bjang, e bile ba na le lenaneo le lebotse la go ithuta, seo se tla ba hola bophelo ka moka. Di tloga fase feela, re swanetše go thuša batho bao re ithutago le bona gore ba tlwaele go lokišetša thuto ya bona ya Beibele.

RE KA DIRA SEO BJANG?

• Bea mohlala o mobotse. (Ro 2:21) Lokišeletša thuto e nngwe le e nngwe o naganne ka morutwana. (km 11/15 3) Mmontšhe puku ya gago yeo o e thaletšego

• Mo kgothaletše gore a lokišetše. Ge motho a šetše a thomile go ithuta, mmotše gore o swanetše go lokišeletša gomme o mo hlalosetše mehola ya go lokišetša. Mo nee ditšhišinyo tša kamoo a ka hwetšago nako ya go lokišetša. Bagoeledi ba bangwe ba nea morutwana puku ya bona gore a bale ka yona ge ba swere thuto gore a kgone go bona mehola ya go lokišetša. Mo rete ge a lokišeditše

• Mmontšhe gore a lokišeletše bjang. Bagoeledi ba bangwe ge ba thoma go ithuta le motho la mathomo, ba diriša nako yeo ya go ithuta go bontšha morutwana gore a lokišetše bjang