• Ngwala aterese ya gago. Ge e ba o bona eka ga se ga bohlale go ngwala aterese ya gago, o ka ngwala ya Holo ya lena ya Mmušo ge feela bagolo ba go dumeletše. Eupša o SE KE wa šomiša aterese ya ofisi ya lekala.

• Ngwala leina la motho yoo o mo ngwalelago lengwalo ge e ba o le tseba. Se se tla dira gore motho yoo a bone gore lengwalo leo ga se la go bapatša dilo tše itšego.

• Kgonthišetša gore mongwalelo o nepagetše, gore o latetše melao ya polelo (grammar) le gore o beile maswaodikga moo go swanetšego. Lengwalo la gago le swanetše go ipiletša, le se hlakahlakane. Ge e ba o le ngwala ka letsogo, ngwala ka bothakga. O se ke wa diriša mantšu a bogwera ka go fetišiša goba a go hloka bogwera.

Lengwalong le go dirišitšwe dintlha tše di lego ka mo godimo. Ga se gore ge o ngwalela batho ba tšhemong ya gabo lena lengwalo, o swanetše go dula o kopolla lengwalo le. Tseba gore o ngwala mabapi le eng ke moka o dire gore ditaba tša gago di dumelelane. Ngwala go ya le ka dilo tšeo di diragalago lefelong la geno.