Ngwaga o mongwe le o mongwe, re dira sohle seo re ka se kgonago gore re meme batho ba tšhemong ya gabo rena gore ba tle ba be le rena Segopotšong sa lehu la Jesu. Bontši bja bona ga re ba tsebe, eupša re swanetše go mema le batho bao re ba tsebago. Gantši ge re mema batho bao re ba tlwaetšego, ba na le go tla segopotšong. (yb08 11 ¶3; 14 ¶1) Wena o ka mema bomang?

• Ba leloko

• Bao o šomago le bona goba bao o tsenago le bona sekolo

• Baagišani

• Maeto a go boela, bao o ithutago le bona Beibele le bao o kilego wa ithuta le bona

Go oketša moo, bagolo ba ka mema batho bao ba fodilego moyeng. Ka morago ga moo ba meme batho bao gore ba tle segopotšong. O tla dira’ng ge e ba motho yo o mo tlwaetšego a dula kgole le moo o dulago? Tsena wepesaeteng ya jw.org/nso gore o hwetše nako le lefelo leo Segopotšo se tlago go swarelwa go lona tikologong ya gabo. Ke moka o kgotle karolo ya MABAPI LE RENA, gomme o kgethe mantšu ao a rego, “Segopotšo sa Lehu la Jesu.” Ge o dutše o itokišeletša segopotšo sa ngwaga wo, nagana ka batho bao o ka ba memago gomme o ba meme.