Bakriste ba ka ithuta go seo se ilego sa diragalela Baisiraele ge ba be ba le Molaleng wa Moaba. (1Ko 10:6, 8, 11) Baisiraele bao ba ilego ba thoma go gwerana le basadi ba Bamoaba bao ba bego ba rapela medimo ya diswantšho e bile ba itshwere gampe, mafelelong ba ile ba ba dira gore ba dire sebe se segolo. Seo se bile le mafelelo a sa kgahlišego. (Nu 25:9) Re phela le batho bao ba sa hlankelego Jehofa mošomong, sekolong, baagišani ba rena, ba leloko le batho ba bangwe bao re ba tlwaetšego. Ke’ng seo re ka ithutago sona pegong ye ya Beibele ka dikotsi tša go gwerana le batho bao ba sa hlankelego Jehofa?

BOGELANG BIDIO YEO E REGO MEHLALA YA TEMOŠO BAKENG SA MEHLA YA RENA—KAROLWANA, KE MOKA LE ARABENG DIPOTŠIŠO TŠE DI LATELAGO:

• Ke kgopolo efe e fošagetšego yeo Simiri le ba bangwe ba ilego ba e botša Jamini?

• Finease o ile a thuša bjang Jamini gore a bone dilo gabotse?

• Phapano ke efe magareng ga go gwerana le motho yo e sego Mokriste le go mo swara gabotse?

• Ke ka baka la’ng re swanetše go kgetha bagwera gabotse le ka mo phuthegong?

• Ke ka baka la’ng re se ra swanela go boledišana le batho bao re sa ba tsebego Inthaneteng?