Dafida o ile a fenya Goliata ka ge a be a ithekgile ka Jehofa. (1Sa 17:45) Jehofa o nyaka go bontšha matla a gagwe bakeng sa bahlanka ba gagwe ka moka. (2Kr 16:9) Re ka ithekga bjang ka thušo yeo Jehofa a re neago yona, go e na le go ithekga ka phihlelo le bokgoni bja rena? A re boneng ditsela tše tharo:

• Rapela ka mehla. O se ke wa rapelela feela gore Jehofa a go lebalele ka morago ga go dira phošo, eupša o rapelele le matla a gore o kgone go fenya diteko. (Mat 6:12, 13) O se ke wa rapelela feela gore Jehofa a go šegofatše ge o šetše o dirile diphetho, eupša o ka rapelela le gore a go hlahle a be a go fe le bohlale pele o dira diphetho.—Jak 1:5

• Dula o bala Beibele le go ithuta. Bala Beibele letšatši le lengwe le le lengwe. (Ps 1:2) Naganišiša ka mehlala ya ka Beibeleng ke moka o diriše seo o ithutilego sona. (Jak 1:23-25) Lokišetša pele ga ge o eya tšhemong go e na le go ithekga ka seo o se tsebago. Lokišetša pele o e ya dibokeng gore o tle o holege

• Dirišana le mokgatlo wa Jehofa. Dula o tseba dilo tšeo mokgatlo o re laelago tšona ke moka o di dire ka pelapela. (Nu 9:17) Theetša bagolo ge ba re nea keletšo le tlhahlo.—Heb 13:17

BOGELANG BIDIO YEO E REGO  GA RE NA LEBAKA LA GO TŠHABA GO TLAIŠWA, KE MOKA LE ARABE DIPOTŠIŠO TŠE DILATELAGO:

• Ke dilo dife tšeo di ilego tša tšhoša bana babo rena le dikgaetšedi?

• Ba thušitšwe ke’ng go lebeletšana le dilo tšeo?