March 4-10
DIPSALME 16-17
Kopelo 111 le Thapelo | Mantšu a go Bula (1 mots.)
1. “Jehofa, Dilo ka Moka tše Dibotse tše ke Nago le Tšona di tšwa go Wena”
(10 mets.)
Go gwerana le batho bao ba ratago Jehofa go re dira gore re thabe (Ps 16:2, 3; w18.12 26 ¶11)
Re a kgotsofala ge re tseba gore re na le segwera se sebotse le Jehofa (Ps 16:5, 6; w14 2/15 29 ¶4)
Re ikwa re bolokegile ge Jehofa a re šireletša dilong tšeo di ka senyago segwera sa rena le yena (Ps 16:8, 9; w08 2/15 3 ¶2-3)
Ge go hlankela Jehofa go e tla pele maphelong a rena go swana le Dafida, re thabela bophelo bja go ba le morero. Jehofa ke yena a re neago dilo ka moka tše dibotse.
IPOTŠIŠE GORE, ‘Bophelo bja ka bo kaonefetše bjang ka morago ga gore ke tsebe therešo?’
2. Matlotlo a ka Beibeleng
(10 mets.)
-
Ps 17:8—Beibele e ra go re’ng ge e re “thaka ya leihlo”? (it-2-E 714)
-
Ke dintlha dife tšeo o ka re anegelago tšona tšeo o di hweditšego mmalong wa Beibele wa beke ye?
3. Mmalo wa Beibele
(4 mets.) Ps 17:1-15 (th thuto 5)
4. Go Thoma Poledišano
(1 mots.) KA NTLO LE NTLO. Nea motho yo o bolelago le yena taletšo ya Segopotšo. (th thuto 11)
5. Go Thoma Poledišano
(3 mets.) KA NTLO LE NTLO. Nea motho yo o bolelago le yena taletšo ya Segopotšo. Ge motho yoo a bontšhitše gore o a thabela, dira eka o mmontšha bidio ya Gopola Lehu la Jesu ke moka le boledišaneng ka yona. (th thuto 9)
6. Go Thoma Poledišano
(2 mets.) GO NEA BOHLATSE BJO BO SA RULAGANYETŠWAGO. Nea motho yo o bolelago le yena taletšo ya Segopotšo. (th thuto 2)
7. Go Dira Barutiwa
(5 mets.) lff thuto 14 matseno le dintlha 1-3 (th thuto 6)
Kopelo 20
8. Re ka Itokišetša Segopotšo Bjang?
(15 mets.) Poledišano.
Ka di 24 tša March re tla be re bontšha gore re kwa taelo ya Jesu ka go gopola lehu la gagwe. Tiragalo ye e tlo re gopotša kamoo Jehofa le Jesu ba bontšhitšego ka gona gore ba a re rata. (Lu 22:19; Joh 3:16; 15:13) Re ka itokišeletša bjang tiragalo yeo e bohlokwa?
-
Lesolong le, mema batho ba bantši kamoo o ka kgonago gore ba tle polelong e kgethegilego le segopotšong. Ngwala maina a batho bao o nyakago go ba mema gomme o ba meme. Ge e ba ba bangwe ba bona ba sa dule kgauswi le mo o dulago, e ya go jw.org gore o hwetše nako le lefelo la diboka tša moo ba dulago.
-
Kgweding ya March le April leka go oketša tirelo ya gago tšhemong. O ka dira seo ka go ba mmulamadibogo wa go thuša ka go dira diiri tše 15 goba tše 30.
-
Ka di-18 tša March, thomang go bala ka ditiragalo tše bohlokwa tšeo di diragetšego bekeng ya mafelelo ya bophelo bja Jesu mo lefaseng. O ka diriša “Lenaneo la 2024 la Mmalo wa Beibele wa Segopotšo” leo le lego go matlakala 6-7, go bona gore o ka bala go fihla kae
-
Ka letšatši la Segopotšo, bogelang Temana ya Letšatši ya Bethele e kgethegilego go jw.org/nso
-
Nakong ya Segopotšo, amogelang baeng le bao ba fodilego moyeng ka lerato. Ka morago ga Segopotšo, ikemišetše go ba arabela dipotšišo tšeo ba nago le tšona. Dira dithulaganyo tša gore o tle o boledišane le bona gape gore le ithute ka mo go oketšegilego
-
Pele ga Segopotšo le ka morago ga sona, naganišiša ka topollo
Bapala BIDIO ya Gopola Lehu la Jesu. Ke moka o botšiše batheetši gore:
Re ka diriša bidio ye bjang nakong ya lesolo la go memela batho Segopotšong?
9. Thuto ya Beibele ya Phuthego
(30 mets.) bt kgao. 6 ¶18-24, le lepokisi go letl. 48
