April 28–May 4
DIEMA 11
Kopelo 90 le Thapelo | Mantšu a go Bula (1 mots.)
1. Homola o re Tuu!
(10 mets.)
O se ke wa bolela selo seo se ka gobatšago ‘wa geno’ (Die 11:9; w02 5/15 26 ¶4)
O se ke wa bolela dilo tšeo di ka dirago gore batho ba se sa ba le botee (Die 11:11; w02 5/15 27 ¶2-3)
O se ke wa bolela diphiri tša batho ba bangwe (Die 11:12, 13; w02 5/15 27 ¶5)
SEO O KA NAGANIŠIŠAGO KA SONA: Mantšu ao a boletšwego ke Jesu go Luka 6:45 a ka re thuša bjang gore re se ke ra bolela dilo tšeo di ka kwešago batho ba bangwe bohloko?
2. Matlotlo a ka Beibeleng
(10 mets.)
-
Die 11:17—Go bontšha ba bangwe botho go ka re hola bjang? (g20.1 11, lepokisi)
-
Ke dintlha dife tšeo o ka re anegelago tšona tšeo o di hweditšego mmalong wa Beibele wa beke ye?
3. Mmalo wa Beibele
(4 mets.) Die 11:1-20 (th thuto 5)
4. Go Thoma Poledišano
(4 mets.) GO NEA BOHLATSE BJO BO SA RULAGANYETŠWAGO. Nyaka sebaka sa go botša motho yo mongwe seo o sa tšwago go ithuta sona dibokeng. (lmd thuto 2 ntlha 4)
5. Go Dira Maeto a go Boela
(4 mets.) GO NEA BOHLATSE BJO BO SA RULAGANYETŠWAGO. Bontšha motho yo o boledišanago le yena bidio yeo e lego go Teaching Toolbox.O se ke wa bapala bidio yeo. (lmd thuto 8 ntlha 3)
6. Go Dira Barutiwa
(4 mets.) GO NEA BOHLATSE MAFELONG A BATHO BOHLE. Kgopela go swarela motho yo o boledišanago le yena Thuto ya Beibele gomme o mmontšhe gore e swarwa bjang. (lmd thuto 10 ntlha 3)
Kopelo 157
7. O se Dumelele Dilo Tšeo o di Bolelago di Dira Gore go se be le Khutšo
(15 mets.) Poledišano.
Ka ge re sa phethagala, re tlo fela re bolela dilo tšeo di fošagetšego. (Jak 3:8) Ge e ba re nagana gore go ka direga eng ge re bolela dilo tšeo di fošagetšego, seo se tla re thuša gore re pheme go bolela dilo tšeo di tla dirago gore re itshole ka morago. A re boneng mekgwa e mengwe ya go bolela yeo e ka dirago gore ka phuthegong go se sa ba le khutšo:
-
Go ikgantšha ka tsela yeo e sa amogelegego. Ke ge motho a thoma go itheta, gomme seo se ka dira gore ba bangwe ba thome go phadišana le go jelana mona.—Die 27:2
-
Go bolela maaka. Ke ge motho yo mongwe a thoma go bolela maaka a matala ao a ka dirago gore motho yo mongwe a feleletše a arogile. Le ge o ka bolela maaka a manyenyane feela, seo se ka dira gore batho ba se sa go hlompha ebile ba se sa go tshepa.—Mmo 10:1
-
Lesebo le le gobatšago. Ke ge motho a bolela ka dilo tšeo di sa rego selo ka batho ba bangwe le go tsenatsena ditabeng tša bona. Le gona dilo tšeo di bontšha gore ba bolela maaka ka bona ebile ba utolla diphiri tša bona. (1Ti 5:13) Se se ka dira gore go be le dingangišano le dikarogano
-
Go bolela ka kgalefo. Ke go ntšha maikwelo a gago o galefile o bolela ka motho yo a go galefišitšego. (Ef 4:26) Seo se ka kweša motho yoo bohloko.—Die 29:22
Bapala BIDIO ya “Lahlang” Mekgwa Yeo e Senyago Khutšo—Karolwana. Ke moka o botšiše batheetši gore:
-
Tsela yeo re bolelago ka yona e ka senya khutšo ka phuthegong bjang?
E le gore o bone gore ba bangwe ba ile ba dira eng gore go be le khutšo magareng ga bona, bona bidio yeo e rego ‘Tsomang Khutšo le be le e Phegelele.’
8. Thuto ya Beibele ya Phuthego
(30 mets.) bt kgao. 25 ¶14-21
