9:1-7

Nagana gore Jesu o swanetše go ba a ile a ikwa bjang ge a be a ekwa Tatagwe wa legodimong a bolela gore o mo amogetše. Se se diragetše nakong ya ge Jesu a be a fetogile ponagalo. Ga go na pelaelo gore se se ile sa matlafatša Jesu gore a tle a kgone go kgotlelela ge a tlo tlaišwa. Le gona Petro, Jakobo le Johane ba ile ba kgongwa kudu ke pono yeo. E ile ya dira gore ba kgodišege gore ruri Jesu e be e le Mesia, gomme ba be ba se ba timela ka go mo kwa. Ka morago ga mengwaga e ka bago e 32, Petro o be a sa gopola tiragalo yeo le kamoo e ilego ya matlafatša tumelo ya gagwe ‘lentšung la boporofeta.’—2Pe 1:16-19.

Le ge rena re be re se gona ge baapostola ba Jesu ba be ba bona pono yeo e kgahlišago, re kgona go e bona e phethagala. Jesu o buša e le Kgoši e matla kudu. Kgauswinyane o tla “feleletša phenyo ya gagwe,” gomme seo sa dira gore re kgone go phela lefaseng le lefsa la toka.—Kut 6:2.

Tumelo ya gago e matlafaditšwe bjang ke go bona boporofeta bja Beibele bo phethagala?