Ge re dira maeto a go boela goba re swere dithuto tša Beibele, re swanetše go thuša batheetši ba rena go kwešiša dintlha tša bohlokwa. Ka go diriša dipapišo, re tla kgoma dipelo tša bona e bile ra ba thuša gore ba se ke ba lebala dilo tšeo re ba rutago tšona.

Ge o lokišeletša go yo dira leeto la go boela goba go yo swara thuto ya Beibele, kgetha dintlha tša bohlokwa tšeo o nyakago go di hlalosa o diriša dipapišo. Ka morago ga moo, o kgethe dipapišo tše bonolo tšeo di theilwego dilong tšeo batho ba di dirago letšatši le letšatši. (Mat 5:14-16; Mar 2:21; Lu 14:7-11) Ge o dira dipapišo tšeo, nagana ka batheetši ba gago gore ba tšwa kae le gore ba dira mešomo ya mohuta ofe. (Lu 5:2-11; Joh 4:7-15) Ge o bona motho yo o bolelago le yena a thabile ka ge a kwešiša ntlha yeo o mo hlalosetšago yona, le wena o tlo thaba.

BOGELANG BIDIO YA HWETŠA LETHABO MODIRONG WA GO DIRA BATHO BARUTIWA—KAONEFATŠA BOKGONI BJA GAGO BJA GO RUTA—DIRIŠA DIPAPIŠO GO RUTA DINTLHA TŠA BOHLOKWA, KE MOKA LE ARABENG DIPOTŠIŠO TŠE:

• Ke ka baka la’ng barutwana ba Beibele ba ka hloka thušo gore ba kwešiše ditemana tše itšego?

• Maki o ile a diriša bjang papišo go hlalosa therešo yeo e lego go Baroma 5:12?

• Dipapišo tšeo re di nagannego gabotse di ka kgoma bjang batheetši ba rena?

• Ke ka baka la’ng ge re le tšhemong re swanetše go diriša dibidio le dilo tše dingwe tšeo mokgatlo wa Jehofa o re diretšego tšona?