Ka ge re phela matšatšing a mafelelofelelo a ‘mehla ya bofelo,’ re tlo welwa ke mathata magolo. (2Ti 3:1; Mat 24:8) Ge go tšweletše kotsi, batho ba Jehofa ba hwetša tlhahlo kapejana. Le gona tlhahlo yeo e ka ba phološa. E le gore re tle re phologe ka nako yeo ya ge kotsi e tšweletše, re swanetše go kwa ka gore re itokiše gona bjale ka go ba le dilo tše itšego tšeo re tlago go di hloka le ka go matlafatša segwera sa rena le Jehofa.—Lu 16:10.

• Itokiše ka go ba le segwera se sebotse le Jehofa: Eba le lenaneo la go dira dilo gomme o le diriše. Ithute go bolela ditaba tše dibotse ka ditsela tše di fapafapanego. O se ke wa tshwenyega kudu ge e ba ka nakwana o se sa bonana le bao o kopanelago le bona. (Jes 30:15) Ga go na seo se ka go aroganyago le Jehofa le Jesu.—od 176 ¶15-17

• Itokiše ka go ba le dilo tše dingwe: Ge lapa le lengwe le le lengwe le lokišitše mekotla ya tšhoganetšo, le swanetše go beela ka thoko dijo, meetse, dihlare le dilo tše dingwe tša bohlokwa tšeo le tlago go di hloka ge go ka nyakega gore le se tšwe ka ntlong ka nako e teletšana.—Die 22:3; g17.5 4, 6

BOGELANG BIDIO YEO E REGO, NA O ITOKIŠELEDITŠE DIKOTSI TŠA TLHAGO? KE MOKA LE ARABENG DIPOTŠIŠO TŠE:

• Re ka matlafatša bjang segwera sa rena le Jehofa e le gore re itokišeletše nako ya kotsi?

• Ke ka baka la eng re swanetše . . . 

  • go botša bagolo ge re fetoša dinomoro tša founo goba diaterese?

  • go ba le mokotla wa dilo tša tšhoganetšo?

  • go ithuta ka mehuta ya dikotsi tšeo di ka re welago le go boledišana gore kotsing e nngwe le e nngwe re swanetše go dira eng?

• Ke ditsela dife tše tharo tšeo re ka thušago bao ba wetšwego ke kotsi?

IPOTŠIŠE GORE: ‘Ke ithutile’ng bolwetšing bja Corona ka go itokišeletša dikotsi?’