Ka ge re sa phethagala, re swanetše go dula re laola dikganyogo tša rena. Ge re ka di tlogela di re laola Jehofa a ka se sa re amogela. Ka mohlala, ba bangwe ba rata dijo, diaparo, le dintlo kudu go feta go rata Modimo. Ba bangwe ba kgotsofatša kganyogo ya bona ya thobalano ka tsela yeo Modimo a sa e amogelego. (Rom 1:26, 27) Ba bangwe ba itshwara ka tsela ye ka baka la kgateletšo ya dithaka e bile ba nyaka go amogelwa ke batho ba bangwe.—Ek 23:2.

Re ka laola dikganyogo tša rena bjang? Re swanetše go šoma ka thata gore re dule re dira seo se thabišago Jehofa. (Mat 4:4) Le gona re swanetše go kgopela Jehofa gore a re thuše go laola dikganyogo tša rena. Ka baka la’ng? Ka gobane o tseba seo se re loketšego, e bile o kgona go kgotsofatša dikganyogo tša rena tše dibotse.—Ps 145:16.

BOGELANG BIDIO YA   GO KGOGA GO KA BEA BOPHELO BJA GAGO KOTSING, KE MOKA LE ARABENG DIPOTŠIŠO TŠE DI LATELAGO:

• Ke ka baka la’ng batho ba bangwe ba kgoga?

• Go kgoga go ka ba le ditlamorago dife?

• Ke ka baka la’ng go kgoga motšoko le go kgoga ka motšhene go fošagetše?—2Ko 7:1

• O ka gana bjang ge ba bangwe ba go kgopela gore o kgoge, goba o ka dira’ng gore o tlogele go kgoga?