Ge bofelo bja tshepedišo ye bo dutše bo batamela, re letetše gore dintwa le bosenyi di oketšege. (Kut 6:4) Re ka itokišeletša bjang mathata ao a sa tlago?

• Ikemišetše go dula o botega: Nyaka melao ya motheo le dipego tša ka Beibeleng tšeo di go thušago go tshepa Jehofa le mokgatlo wa gagwe le go go thuša go se tšee lehlakore. (Die 12:5; jr 125-126 ¶23-24) Ye ke nako ya go dira segwera seo se tiilego le bana babo rena ka phuthegong.—1Pe 4:7, 8

• Itokiše: Naganang e sa le pele gore le tlo dira’ng e le gore le dule le šireletšegile le ge le sa kgone go tšwa ka gae, le be le bee dilo tšeo le tlago go di hloka nakong yeo. Naganang ka leano leo le bolokegilego la go tšhaba ge eba go ka hlokega gore le tšwe ka gae. Lebelelang gore dipeke tša lena tša tšhoganyetšo di na le dilo ka moka tšeo le tlago go di hloka. Dilo tšeo di akaretša tšhelete, le dilo tša go itšhireletša tša go swana le di-mask le ditlelafo. Kgonthišetša gore o na le dinomoro tša bagolo e bile le bona ba na le tša gago.—Jes 32:2; g17.5 3-7

Nakong ya ntwa, dula o dira dilo tšeo di go thušago go hlankela Jehofa tša go swana le go rapela, go ithuta le go ya dibokeng. (Fil 1:10) O se ke wa tloga mo o dulago go sa hlokagale. (Mat 10:16) Abelana dijo le dilo tše dingwe tša bohlokwa le batho ba bangwe.—Rom 12:13.

BOGELANG BIDIO YA  ITOKIŠELETŠE DIKOTSI TŠEO DI KA BAGO GONA, KE MOKA LE ARABENG DIPOTŠIŠO TŠE DI LATELAGO:

• Jehofa a ka re thuša bjang nakong ya dikotsi

• Re ka itokiša bjang?

• Re ka thuša bjang bao ba wetšwego ke dikotsi?