Ge Jesu a be a le bodireding, o be a bolela ka dilo tšeo di sa tšwago go direga. (Lu 13:1-5) Le wena o ka bolela le batho ka dilo tšeo di sa tšwago go direga gore o tsoše kgahlego ya bona molaetšeng wa Beibele. Ka morago ga go bolela ka kotsi ya tlhago, ntwa, ka moo dilo di turago ka gona, go lemalela dihlaretagi goba dilo tša go swana le tšeo, botšiša potšišo ya go thuša mong wa ntlo go nagana. Mohlomongwe o ka botšiša gore: “Na o nagana gore . . .  e tla ka ya fela?” goba “Na o nagana gore re ka hwetša kae tharollo ya . . . ?” Ke moka o mmalele temana yeo e sepedišanago le taba yeo le boledišanago ka yona. Ge e ba motho yo a bontšha kgahlego, mmontšhe bidio goba kgatišo yeo e lego go Teaching Toolbox. Ge re dutše re leka go dira sohle seo re ka se kgonago go kgoma dipelo tša batho ba tšhemong ya gabo rena, anke re “[direng] dilo tšohle bakeng sa ditaba tše dibotse.”—1Ko 9:22, 23.

Ke dilo dife tšeo di ka kgahlago batho ba tšhemong ya geno?