Beibele yeo ke efe? Ke Beibele yeo e kaonefaditšwego ya Phetolelo ya Lefase le Leswa. E lokollwa ganyenyane-ganyenyane ka maleme a mantšinyana. Se se kgahlišago ka Beibele yeo e rekhotilwego ke gore e diriša mantšu a batho ba go se swane. Mantšu a balwa le go gatelelwa ka tsela ya maleba e bile a balwa ka maikwelo e le gore a fetišetše molaetša o nepagetšego wa Beibele.

Ba bangwe ba holega bjang ka go diriša Beibele yeo e rekhotilwego? Batho ba bantši bao ba dulago ba theetša Beibele yeo e rekhotilwego ba re ba rata kamoo e phedišago Lentšu la Modimo. Ba re ge ba ekwa mantšu a batho ba go se swane ba kgona go bona ditiragalo tša ka Beibeleng gabotse le go kwešiša seo se ngwadilwego. (Die 4:5) Ba bangwe ba re go theetša Beibele yeo e rekhotilwego go ba thuša go theoša maswafo ge ba tshwenyegile.—Ps 94:19.

Go kwa Lentšu la Modimo le balelwa godimo go ka re thuša kudu. (2Kr 34:19-21) Na o ka itlwaetša go theetša Beibele yeo e rekhotilwego goba dikarolo tša yona ge e ba e le gona ka leleme leo o le kwešišago?

BOGELANG BIDIO YA, GO TŠWELETŠWA GA BEIBELE YEO E REKHOTILWEGO —KAROLWANA, KE MOKA LE ARABENG POTŠIŠO YE:

Ke’ng seo se go kgahlago ka go tšweletšwa ga Beibele yeo e rekhotilwego?