Go no swara magang ke e nngwe ya ditsela tše di kgahlišago le tšeo di šomago tša go nea bohlatse. Eupša go thoma poledišano go ka re tšhoša ge e ba re ka tshwenyega kudu ka gore re tlo lebiša bjang motho yoo Beibeleng. Re nyaka go bontšha gore re tshwenyega ka batho go e na le go tshwenyega kudu ka seo re tlago go ba botša sona e le gore re nee bohlatse. (Mat 22:39; Fil 2:4) Ge e ba le ka re le swere magang, gwa tšwelela sebaka sa gore o nee bohlatse, o se ke wa tshwenyega ka gobane go na le dithulusi tše dintši tšeo di ka go thušago.

Dithulusi tše di latelago di ka go thuša bjang gore o nee bohlatse ge go tšwelela taba e itšego ge le dutše le swere magang?

BOGELANG BIDIO YA “TŠHIPI E LOUTŠA TŠHIPI”—GO THOMA DIPOLEDIŠANO, KE MOKA LE ARABENG POTŠIŠO YE:

Ke dilo dife tše tharo tšeo di ka re thušago go kaonefatša bokgoni bja rena bja go thoma dipoledišano?