“Jehofa o kgahlwa ke batho ba gagwe.” (Ps 149:4) Le ge re se ra phethagala, o bona dika tša rena tše dibotse le seo re ka kgonago go se dira nakong e tlago. Lega go le bjalo, ka dinako tše dingwe re ka no se bone dika tša rena tše dibotse. Tsela yeo ba bangwe ba re swarago ka yona e ka dira gore re ikwe re se na mohola. Goba ge e ba re dulela go nagana ka diphošo tšeo re ilego ra di dira, re ka ikwa eka Jehofa ga a re rate. Re ka thušwa ke’ng ge re ikwa ka tsela yeo?

Gopola gore Jehofa o bona seo batho ba sa kgonego go se bona. (1Sa 16:7) Seo se ra gore o bona le dilo tšeo rena re sa kgonego go di bona mo go rena. Re leboga gore Beibele e re thuša gore re kwešiše tsela yeo Jehofa a re lebelelago ka yona. Re ka kwešiša seo ge re bala Beibele le dipego tšeo di bontšhago kamoo Jehofa a ratago bahlanka ba gagwe.

BOGELANG BIDIO YA DIRA GORE PELO YA GAGO E RATE JEHOFA, KE MOKA LE ARABENG DIPOTŠIŠO TŠE:

• Papišo ya tate le mošemane wa go kitima e re ruta’ng ka tsela yeo Jehofa a re lebelelago ka yona?

  Your answer

• Ge e ba motho yoo a dirilego sebe a leka ka gohle gore a lokiše segwera sa gagwe le Jehofa, a ka kgodišega bjang gore Jehofa o mo lebaletše?—1Jo 3:19, 20

  Your answer

• Go bala le go naganišiša ka pego ya Dafida le ya Jehoshafate go ile gwa thuša ngwanabo rena bjang?

  Your answer