MAHUMO AO A LEGO KA LENTŠUNG LA MODIMO
“Eba le Tumelo go Jehofa Modimo wa Gago”
Ge Jehoshafate le Bajuda ba be ba tšhošetšwa ke manaba a bona, ba ile ba kgopela thušo go Jehofa (2Kr 20:12, 13; w14 12/15 23 ¶8)
Jehofa o ile a homotša batho ba gagwe a ba a ba nea le tlhahlo e kwagalago (2Kr 20:17)
Jehofa o ile a phološa batho ba gagwe ka ge ba be ba na le tumelo go yena (2Kr 20:21, 22, 27; w21.11 16 ¶7)
Ge Gogo a hlasela batho ba Jehofa nakong ya masetlapelo a magolo, bao ba nago le tumelo go Jehofa, e bile ba tshepa batho bao Jehofa a ba kgethilego gore ba re etelele pele, ba ka se boife selo.—2Kr 20:20.
