BOPHELO BJA BOKRISTE
Na o Itokišeleditše Mathata a Ditšhelete ao a ka Tšwelelago?
Ga re tšhošwe ke ge go e ba le mathata a ditšhelete lefaseng ka moka. Ka baka la’ng? Ka gobane re phela mafelelong a mehla ya bofelo e bile Beibele e re lemoša gore re se ke ra holofela “mahumo a sa kgonthišegego.” (1Ti 6:17; 2Ti 3:1) Mohlala wa Kgoši Jehoshafate o ka re ruta’ng tabeng ya go itokišeletša mathata a ditšhelete?
Jehoshafate o ile a dula a tshepile Jehofa ge a be a tšhošetšwa ke manaba ao a tšwago dinageng tše dingwe. (2Kr 20:9-12) Le gona o ile a lokišetša setšhaba e sa le pele ka go aga metse yeo e šireletšegilego le go dira dikampa tša mašole. (2Kr 17:1, 2, 12, 13) Le rena re dira gabotse ge re ithekga ka Jehofa le go itokišeletša dinako tša mathata go swana le Jehoshafate.
BOGELANG BIDIO YA, ITOKIŠELETŠE DIKOTSI TŠEO DI KA BAGO GONA KE MOKA LE ARABENG DIPOTŠIŠO TŠE:
-
Re ka dira’ng go itokišeletša dikotsi tšeo di ka tšwelelago?
-
Re ka itokišeletša bjang go tlo thuša ba bangwe?
