Go ka ba bonolo go nagana gore re tla dula re le bafsa, le gore re ka se tsoge ra lebeletšana le “matšatši a mabe” ao a tlišwago ke go tšofala lefaseng le la Sathane. (Mmo 12:1) Ge e ba o le mofsa, na o ka nagana gore o sa na le nako e ntši ya go phegelela dipakane tša moya tše bjalo ka go tsenela tirelo ya nako e tletšego?

“Ditiragalo tšeo di sa letelwago di [re] wela” ka moka, go akaretša le bao e sa lego ba bafsa. (Mmo 9:11) ‘Ga o tsebe gore bophelo bja gago bo tla ba bjang gosasa.’ (Jak 4:14) Ka gona, o se ke wa dikadika go hlankela Jehofa. Tsena ka “mojako o mogolo o išago modirong” ka ge o sa go bulegetše. (1Ko 16:9) O ka se itshole.

• Go bolela ditaba tše dibotse ka leleme le lengwe

• Go bula madibogo

• Go ya dikolong tša pušo ya Modimo

• Go tsenela modiro wa go aga

• Go ya Bethele

• Go ba molebeledi wa tikologo