KE KA BAKA LA ENG GO LE BOHLOKWA: Go bolela le batho ka Beibele re diriša founo ke mokgwa o mongwe wa bohlokwa wa go bolela ‘ditaba tše dibotse ka botlalo.’ (Dit 20:24) * Mokgwa wo o re thuša go boledišana le motho yo a itšego ka Beibele ge re sa kgone go mo etela mo a dulago.

RE KA DIRA SEO BJANG?

• Lokišetša. Kgetha taba ya maleba. Ke moka ngwala fase dilo tšeo o nyakago go tlo di bolela. Le gona o ka lokišetša molaetša o mokopana wa go hlalosa gore o be o founetše eng ge go ka direga gore founo e ye go voice mail. Go a thuša gore o dule tafoleng o swere pampišana ya se o tlago go se bolela le dilo tše dingwe tše bjalo ka founo goba thabolete yeo e butšwego go JW Library^® goba go jw.org^®

• Iketle. Bolela ka mokgwa wa tlhago. Semaela le go diriša boitšhišinyo bja mmele bjalo ka ge eka motho yo o bolelago le yena o a go bona. Ge o bolela o se ke wa khutša gantši go sa hlokagale. Go a thuša go šoma le ba bangwe. Ge yo o bolelago le yena a botšiša potšišo, e boeletše e le gore motho yo o šomago le yena a go thuše go hwetša karabo

• Thea motheo wa leeto la go boela. Ge motho yoo a nyaka go kwa ka mo go oketšegilego, o ka mmotšiša potšišo yeo o tla e arabago ge o tlo mo founela gape. O ka mmotša gore o tla mo romela kgatišo e itšego ka e-mail goba o tla mo tlišetša yona. E bile o ka mmotša gore o tla mo romela molaetša goba e-mail ya e nngwe ya dibidio tša rena. O ka botša motho yoo ka se sengwe seo a ka se hwetšago wepesaeteng ya rena