Dikgaetšedi di thuša kudu ka mokgatlong wa Modimo. (Ps 68:11) Bontši bja dithuto tša Beibele di swarwa ke dikgaetšedi. Bontši bja babulamadibogo ba ka mehla ke dikgaetšedi. Dikgaetšedi tše diketekete tšeo di šomago ka thata di hlankela Bethele, tše dingwe di hlankela e le baromiwa, baithaopi ba go aga goba bahlanka ba go aga le bafetoledi. Dikgaetšedi tšeo di godilego moyeng di kgothatša malapa a tšona le phuthego. (Die 14:1) Le ge dikgaetšedi di ka se hlankele e le bagolo goba bahlanka ba bodiredi, di sa dutše di ka ipeela dipakane tše itšego ka phuthegong. Ge e ba o le kgaetšedi o ka oketša tirelo ya gago ka ditsela dife tše dingwe?

• Itlwaetše go bontšha dika tša Bokriste.—1Ti 3:11; 1Pe 3:3-6

• Thuša dikgaetšedi tše dingwe tšeo di se nago phihlelo.—Tit 2:3-5

• Leka go oketša nako yeo o e fetšago o le tšhemong o be o kaonefatše tsela yeo o šomago ka yona

• Ithute leleme le lengwe

• Eya tlhokagalong

• Tlatša fomo ya go šoma Bethele goba o ithaopele go thuša go aga meago ya mokgatlo

• Ingwadišetše go ya Sekolong sa Baebangedi ba Mmušo

BOGELANG BIDIO YA “BASADI BAO BA ŠOMELAGO MORENA KA THATA,” KE MOKA LE ARABENG POTŠIŠO YE:

• Dilo tšeo di boletšwego ke dikgaetšedi tša bidiong ye di go kgothaditše bjang?