December 30, 2024–January 5, 2025
DIPSALME 120-126
Kopelo 144 le Thapelo | Mantšu a go Bula (1 mots.)
Baisiraele bao ba tšwago Babilona ba buna ba thabile ka gobane Jehofa o šegofaditše maiteko a bona
1. Ba Ile ba Šoma ka Thata Gomme ba Buna ka Lethabo
(10 mets.)
Baisiraele ba be ba thabile kudu ge ba be ba lokollwa Babilona go yo tsošološa borapedi bja therešo (Ps 126:1-3)
Bao ba bego ba eya Judea ba e tšwa Babilona ba ka ba ba ile ba lla ka baka la mošomo o montšhi woo ba bego ba swanetše go o dira (Ps 126:5; w04 6/1 16 ¶10)
Ba ile ba kgotlelela gomme Jehofa a ba putsa (Ps 126:6; w21.11 24 ¶17; w01 7/15 18-19 ¶13-14; bona seswantšho sa )
SEO O KA NAGANIŠIŠAGO KA SONA: Ka morago ga gore re phologe Haramagedone, ke ditlhohlo dife tšeo re tlo kopanago le tšona ge re tla be re aga leswa mo lefaseng? Re tlo hwetša ditšhegofatšo dife?
2. Matlotlo a ka Beibeleng
(10 mets.)
-
Ps 124:2-5—Na re ka letela gore Jehofa a re šireletše go swana le ge a ile a šireletša setšhaba sa Baisiraele? (cl 73 ¶15)
-
Ke dintlha dife tšeo o ka re anegelago tšona tšeo o di hweditšego mmalong wa Beibele wa beke ye?
3. Mmalo wa Beibele
(4 mets.) Ps 124:1–126:6 (th thuto 5)
4. Go Thoma Poledišano
(3 mets.) GO NEA BOHLATSE MAFELONG A BATHO BOHLE. (lmd thuto 3 ntlha 5)
5. Go Dira Maeto a go Boela
(4 mets.) KA NTLO LE NTLO. Ge o be o boledišana le motho yo nakong e fetilego, o go boditše gore ga a tshepe seo Beibele e se bolelago. (lmd thuto 9 ntlha 5)
6. Go Dira Barutiwa
7. Thabela Ditshepišo tša Modimo
(15 mets.) Poledišano.
Jehofa o ile a phethagatša seo a se tshepišitšego batho ba gagwe bao ba bego ba le bothopša Babilona. O ba swaretše dibe tša bona le go ba ntšha Babilona. (Jes 33:24) Jehofa o ile a šireletša bona le diphoofolo tša bona go ditau le dibata tšeo di ilego tša thoma go dula moo ge ba be ba sepetše. (Jes 65:25) Ba ile ba thabela go dula magaeng a bona le go ja di enywa tšeo di tšwago dirapeng tša bona tša merara. (Jes 65:21) Ba ile ba thabela go phela nako e telele e bile Jehofa o be a šegofatša mediro ya bona.—Jes 65:22, 23.
Waterfall: Maridav/stock.adobe.com; mountains: AndreyArmyagov/stock.adobe.com
Bapala BIDIO ya Thabela Ditshepišo tša Modimo tša Khutšo—Karolwana. Ke moka o botšiše batheetši gore:
-
Re bona diporofeto tšeo di lego mo bidiong ye di phethagala bjang lehono?
-
Di tlo phethagala bjang lefaseng le leswa?
-
Ke diporofeto dife tšeo wena o felago pelo ya go di bona di phethagala?
8. Thuto ya Beibele ya Phuthego
(30 mets.) bt kgao. 20 ¶8-12 le lepokisi go letl. 161
