Potšišo: Batho ba bangwe ga ba tshepe gore Jesu o kile a phela mo lefaseng, mola ba bangwe ba tloga ba kgodišegile gore o kile a phela mo lefaseng. Ba bangwe bona ba re ga go kgonege gore re ka tseba therešo. Wena o nagana’ng?

Kgatišo e Sepedišwago: Makasine wo wa Phafoga! o re botša ka bohlatse bjo bo hweditšwego ka taba ye.

Potšišo: Go direga’ng ka rena ge re ehwa?

Lengwalo: Joh 11:11-14

Therešo: Ge motho a ehwa, o kgaotša go phela. Ka gona ga se ra swanela go boifa seo se tlago go direga ge re hwile. Jesu o ile a swantšha lehu le boroko. Go etša ge Jesu a ile a tsoša Latsaro, a ka kgona go tsoša baratiwa ba rena gore ba tle ba phele gape mo lefaseng.—Job 14:14.

Kgatišo e Sepedišwago: Nka thabela go go laletša gore o tle o kwe polelo ya mahala ya Beibele. E tla newa Holong ya Mmušo ya gabo rena, e lego moo re rapelago Modimo gona. [Nea motho yoo taletšo, o mmontšhe nako le lefelo la seboka sa mafelobekeng, ke moka o mmotše sehlogo sa polelo ya phatlalatša.]

Potšišo: Na o kile wa ya Holong ya Mmušo? [Ge e ba go swanetše, mmontšhe bidio ye e rego, Ke Eng Seo se Diregago Holong ya Mmušo?]