BOPHELO BJA BOKRISTE
Bakriste ba Therešo ba Tsebja ka Lerato—Ba Dula ba na le Botee
KE KA BAKA LA ENG GO LE BOHLOKWA? Bošegong bja pele ga ge Jesu a ka hwa, o ile a rapelela barutiwa ba gagwe gore e be “batee.” (Joh 17:23) E le gore re be batee, re swanetše go bontšhana lerato leo ‘le sa bolokego pego ya bobe.’—1Ko 13:5.
RE KA DIRA SEO BJANG?
-
Ekiša Jehofa ka go lebelela dika tše dibotse bathong ba bangwe
-
Dula o lebalela batho ba bangwe
-
Ge o lokišitše ditaba le motho yo mongwe, o se ke wa mo gopotša tšona.—Die 17:9
BOGELANG BIDIO YEO E REGO, “RATANANG”—O SE KE WA BOLOKA PEGO YA BOBE, KE MOKA LE ARABENG DIPOTŠIŠO TŠE DI LATELAGO:
-
Karolong ya mathomo ya bidio ye, Lethabo o ile a bontšha bjang gore o ‘bolokile pego ya bobe’?
-
Karolong ya bobedi ya bidio ye, Lethabo o ile a dira’ng go bontšha gore ga a nagane tše mpe ka ngwanabo?
-
Sa bohlokwa le go feta, Lethabo o ile a dira’ng gore go be le botee ka phuthegong?
Ke mang a gobalago kudu ge e ba re boloka pego ya bobe?
