Ge o nyaka mogwera, o lebelela motho yo a nago le dika dife? Ga go pelaelo gore o nyaka mogwera yo a botegago, yo botho le yo a ratago go fana. Jehofa o na le dika tšeo ka moka. (Ek 34:6; Dit 14:17) O a go theetša ge o mo rapela. Neng le neng ge o hloka thušo, o a go thuša. (Ps 18:19, 35) Ge o dirile diphošo o a go lebalela. (1Jo 1:9) Ruri Jehofa ke Mogwera wa kgonthe!

O ka dira’ng gore o be mogwera wa Jehofa? Ithute ka yena ka go bala Lentšu la gagwe. Mmotše seo se lego ka pelong ya gago. (Ps 62:8; 142:2) Bontšha gore o tšeela godimo dilo tšeo di lego bohlokwa go Jehofa, tše bjalo ka Morwa wa gagwe, Mmušo wa gagwe le dilo tšeo a tshepišitšego gore o tlo re direla tšona nakong e tlago. Botša ba bangwe ka yena. (Doi 32:3) Ge o ka ba mogwera wa Jehofa a ka se tsoge a go lahla, le tla dula le le bagwera.—Ps 73:25, 26, 28.

BOGELANG BIDIO YEO E REGO, BAFSA—“LATSWANG LE BE LE BONENG GORE JEHOFA O LOKILE” KE MOKA LE ARABENG DIPOTŠIŠO TŠE DI LATELAGO:

• O ka dira’ng go itokišeletša go ineela go Modimo le go kolobetšwa?

• Ba bangwe ka phuthegong ba ka go thuša bjang go hlankela Jehofa?

• Go ya tšhemong go ka tiiša bjang segwera sa gago le Jehofa?

• Ke dikabelo dife tšeo o ka di dirago ka mokgatlong wa Jehofa?

• Ke’ng seo o se ratago ka Jehofa?