BOPHELO BJA BOKRISTE
Go Kaonefatša Bokgoni bja Rena Bodireding —Ka go Kgothaletša Bao ba Thabelago go tla Dibokeng
KE KA BAKA LA ENG GO LE BOHLOKWA: Diboka di re nea dibaka tša go ‘opelela Jehofa’ le go ‘mo tumiša’ ka mehla. (Ps 149:1) Ge re le dibokeng, re rutwa go dira thato ya Modimo. (Ps 143:10) Batho bao ba thabelago le barutwana ba Beibele gantši ba dira tšwelopele ka lebelo ge ba šetše ba thomile go tla dibokeng.
KAMOO O KA DIRAGO SEO:
-
Laletša motho kapejana kamoo o ka kgonago. Ga go hlokagale gore o lete go fihlela le šetše le thomile go swara thuto ya Beibele.
—Kut 22:17 -
Hlalosetša motho yoo seo se diregago dibokeng le seo se tlago go ahlaahlwa sebokeng se se latelago. O ka diriša taletšo ya diboka tša phuthego, bidio ya Ke Eng Seo se Diregago Holong ya Mmušo? le thuto 5 le 7 ka poroutšheng ya Thato ya Jehofa
-
Thuša motho yoo. Na motho yoo o nyaka go thušwa ka senamelwa goba ka go kgetha diaparo tša maleba? Dula kgauswi le yena dibokeng gomme o badišane le yena dikgatišo tša gago. Mo tsebiše ba bangwe