MAHUMO AO A LEGO KA LENTŠUNG LA MODIMO | JOHANE 5-6
Eba le Mabaka a go Kwagala a go ba Molatedi wa Jesu
Ge Jesu a be a bolela papišo yeo barutiwa ba gagwe ba bego ba sa e kwešiše, ba bangwe ba bona ba ile ba kgopišega gomme ba se sa mo latela. Letšatši pele ga moo, Jesu o ile a ba nea dijo ka mohlolo e lego seo se bego se bontšha gore matla a gagwe a be a etšwa go Modimo. Bjale ke ka baka la’ng ba ile ba kgopišega, gomme ba se sa mo latela? Go bonagala mabaka a bona a go mo latela e be e le a go ikhola. Ba be ba latela Jesu e le gore ba tle ba hwetše dijo.
Yo mongwe le yo mongwe wa rena o swanetše go ipotšiša gore: ‘Ke ka baka la’ng ke latela Jesu? Na lebaka la ka le legolo la go mo latela ke ka gobane ke nyaka go hwetša ditšhegofatšo gona bjale le nakong e tlago? Goba na ke ka gobane ke rata Jehofa e bile ke nyaka go mo kgahliša?’
Ke ka baka la’ng re ka tlogela go hlankela Jehofa ge e ba mabaka a rena a magolo a go mo hlankela e le a latelago?
-
Re thabela go ba gare ga batho ba Modimo
-
Re nyaka go phela Paradeiseng
