Ka November, re tlo ba le lesolo le le kgethegilego la go botša batho gore lefase le lefsa le kgauswi. (Ps 37:10, 11; Kut 21:3-5) Bea nako ka thoko go re o kgone go tšea karolo ka mo go feletšego lesolong. Ge e ba o tšea bobulamadibogo bja go thuša kgweding yeo, o ka kgetha go šoma diiri tše 30 go ba tše 50.

Lokišetša lengwalo leo le bolelago ka lefase le lefsa leo o tlago go le balela batho ba bantši ka mo go kgonegago ka gona. Ge o kgetha temana ya Beibele, nagana ka yeo e tlago go kgahla batho ba tšhemong ya geno. Ge e ba leetong la pele motho a bontšha gore o rata molaetša wa gago, mo nee Morokami wa batho bohle wa No. 2 2021. Ke moka o boele go yena ka pela ka mo go ka kgonegago ka gona gomme o thome thuto o diriša poroutšha ya O ka Thabela Bophelo go ya go Ile! Go tlo thabiša kudu go tšea karolo lesolong la go botša batho “ditaba tše dibotse tša se sekaone”!—Jes 52:7.

BOGELANG BIDIO YA KOŠA YA LEFASE LE LEFSA LE KGAUSWI, KE MOKA LE ARABENG DIPOTŠIŠO TŠE:

• Ke dilo dife tše di kgahlišago tša nakong e tlago tšeo ngwanenyana yo a lego bidiong a di naganago?

• Ke dilo dife tšeo wena o felago pelo ya go di bona lefaseng le lefsa?

• Go nagana ka dilo tše di kgahlišago tšeo di tlago go direga lefaseng le lefsa go ka go thuša bjang ge o itokišeletša lesolo le le kgethegilego la November?—Lu 6:45