Go re motho yo a bapalago dipapadi a dule a na le bokgoni, o swanetše go dula a tlwaetša mešifa ya gagwe. Ka mo go swanago, le rena re swanetše go dula re tlwaetša matla a rena a go hlatha. (Heb 5:14) Le ge re tlwaetše go ekiša diphetho tšeo ba bangwe ba ilego ba di dira, go nyakega gore re itlwaetše go nagana le go itirela diphetho. Ka baka la’ng? Ka gobane yo mongwe le yo mongwe o tla ikarabela ka diphetho tša gagwe.—Rom 14:12.

Ga se ra swanela go ipotša gore re tlo dula re dira diphetho tše dibotse feela ka gobane re na le mengwaga e mentši re kolobeditšwe. E le gore re kgone go dira diphetho tše dibotse, re swanetše go ithekga ka mo go feletšego ka Jehofa, ka Lentšu la gagwe le ka mokgatlo wa gagwe.—Jos 1:7, 8; Die 3:5, 6; Mat 24:45.

BOGELANG BIDIO YA “EBANG LE LETSWALO LE LEBOTSE,” KE MOKA LE ARABE DIPOTŠIŠO TŠE:

• Emma o ile a swanelwa ke go dira phetho efe?

• Ke ka baka la’ng re sa swanela go botša batho dilo tšeo re di naganago ge go tliwa ditabeng tšeo motho a swanetšego go itirela phetho go ya ka letswalo la gagwe?

• Banyalani ba bangwe ba ile ba nea Emma keletšo efe e botse?

• Emma o ile a hwetša kae thušo mabapi le bothata bja gagwe?