Re thabela go ba le poroutšha e mpsha le puku ya go swara dithuto tša Beibele! Re rapela Jehofa gore a re thuše go dira barutiwa ba bantši. (Mat 28:18-20; 1Ko 3:6-9) Re ka diriša dikgatišo tše bjang?

Ka ge puku ya O ka Thabela Bophelo go ya go Ile! e re bontšha mekgwa e mefsa ya go ruta, latela tlhahlo yeo e lego ka mo tlase ge o lokišetša le ge o eya go swara thuto ya Beibele. *

• Balang thuto, ke moka le boledišaneng ka dipotšišo tšeo di tšwelelago

• Balang mangwalo ao a ngwadilego gore “bala,” ke moka o bontšhe morutwana gore a ka a diriša bjang

• Bapalang dibidio ke moka le boledišaneng ka tšona le diriša dipotšišo tšeo di ka bago di le gona

• Lekang go fetša thuto e tee nako le nako ge le bala

Ge o le tšhemong nea motho poroutšha ya Thabela Bophelo go ya go Ile! go e na le go mo nea puku e le gore o bone ge e ba a thabela. (Bona lepokisi leo le rego, “ Kamoo o ka Sepedišago Poroutšha ya Thabela Bophelo go ya go Ile! Leetong la Pele.”) Ge o ka fetša go ithuta poroutšha ye le morutwana gomme yena a sa nyaka go tšwela pele, gona mo nee puku ke moka le thome go thuto 4. Ge e ba o šetše o bala le motho e nngwe ya dikgatišo tšeo re swarago dithuto ka tšona, gona eya pukung ye e mpsha ke moka o lebelele gore le ka thoma kae.

BOGELANG BIDIO YA  RE A GO AMOGELA THUTONG YA GAGO YA BEIBELE, KE MOKA LE ARABE DIPOTŠIŠO TŠE DI LATELAGO:

• Re tlo ithuta’ng pukung ye e mpsha?

• Ke ka baka la’ng o swanetše go bontšha batho bao o sa tšwago go thoma go ithuta le bona bidio ye?

• Ke dilo dife tšeo o ka kgothaletšago morutwana wa gago gore a di dire?—Bona tšhate yeo e rego “ Dilo Tšeo Morutwana a ka di Dirago Karolong e Nngwe le e Nngwe.”